تسنیم خبري اژانس راپور ورکړی، چې د ایران سپاه پاسداران اعلان کړی، چې د هرمز تنګي په جنوبي ناامن مسیر کې دوې نفتلېږدوونکې بېړۍ د تګ راتګ پر مهال چاودېدلي او له حرکته لوېدلې دي.
د سپاه د عامه اړیکو د اعلامیې له مخې، یادو بېړیو د امریکا د پوځ په هڅونه د هرمز تنګي له ناامنې لارې د تېرېدو هڅه کوله. اعلامیه زیاتوي، تر هغه چې د امریکا پوځي حضور او فعالیتونه په سیمه کې دوام ولري، د هرمز تنګي دغه مسیر به د نفتو، ګازو او نورو بار وړونکو بېړیو لپاره خوندي نه وي.
سپاه همداراز امریکا د سیمې په چارو کې پر ناقانونه لاسوهنه تورنه کړې او خبرداری یې ورکړی، چې د دوی په وینا، د هر ډول سرغړونې پر وړاندې به مناسب غبرګون وښودل شي.