پر هېواد او ملت باندې د بغاوتګرو زیان او تاوانونه
تفرقه، نه اتحادله لویو او مهمو ستونزو څخه د بغاوتګرو په هېواد کې شتون او د دولت په بدنه کې ځای نیول دي، د ملي اتحاد او انسجام په کلک دېوال کې درز رامنځته کول دي.
دا ډله د ملت د اتحاد ونه د یوې تېرې ارې په څېر اره کوي، په دوو برخو یې وېشي، او له دې ټوټو څخه د خپلو ګټو په طوفاني سمندر کې د تېرېدو لپاره صافې او موازي تختې جوړوي.
دا ګټه خوښونکي هېڅکله اجازه نه ورکوي چې ملت په یوه منسجم تنظیم کې له یوه واحد لیدلوري سره نسبي آرامۍ ته ورسېږي او حساب یې له ځان او خپل ملت سره مشخص وي.
دا بغاوتګرې ډلې چې له مختلفو او خپلسرو ګروپونو څخه جوړې شوي، او هره ډله یې په هر ځای کې خپل ګډوډ بازار لري، تل د اتحاد او انسجام د جوړوونکو عواملو په تخریب پسې دي، او د تفرقې او بېلوالي او څو اړخیزه ډبرو په ګوزارولو سره د اتحاد نازکه شیشه ماتوي.
دا د شر او فساد ډلې هر کار کوي چې د ملت ټولې اوبه په یو نهر کې لاړې نه شي، او د یوه واحد محور شاوخوا راټول نه شي، ترڅو هسې نه چې ځواک ترلاسه کړي او ټول ملت په یوه اواز او یوه غږ سره د دوی پر وړاندې ودرېږي.
دا ټولې هلې ځلې د دې لپاره دي چې د دوی ګټې په همدې ملي بېلوالي او تفرقې کې نغښتې دي.
دوی په پرلپسې توګه د ملي بېلتون او څو هویتي ملي ډنډوره غږوي، او ملت د تعصب او قومیت پالنې په لوړو او اغزنو حصارونو کې ایساروي، ترڅو هېڅکله د یووالي خیالي تصویرونه په خپلو تصورونو کې رامنځته نه کړي.
ځکه چې ځینې له همدې خړو اوبو څخه ماهیان نیسي، او کله ناکله زلزله او ویجاړي د غلو او غاصبانو لپاره د غلا او چور زمینه برابروي او د بې وزلو شتمنۍ بې له سرپناه او امانه پاتې کېږي.
یو له هغو عواملو څخه چې افغانستان ته د آمریکا ننوتلو او راتګ لاره هواره کړه، همدا بېلتون او جلاوالی او د یو بل سره د کینې درلودل او په مخالفو جبهاتو کې درېدل وو.
که هغه وخت ټول په ګډو ټکو سره راټول شوي وای او په هېڅ بهانه او قېمت د اتحاد کرښې څخه نه وای تېر شوي، هېڅکله به له روزګار څخه وروسته نه پاتې کېدلو، او اوس به د خپل هېواد د نړیوالې سطحې د لوړولو لپاره د نه ستړي کېدونکي هڅو پر ځای په آرامه ژوند کې وو.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.