د افغانستان بهرنیو چارو وزارت د امریکا له لوري «ناسم توقیف» د ملاتړ هېوادونو په نوملړ کې د افغانستان شاملول د تاسف وړ وبلل.
د دغه وزارت ویاند، عبدالقهار بلخي په یوه خبرپاڼه کې زیاته کړې، چې د افغان حکومت له لوري هیڅ یو بندي د معاملې لپاره د وسیلې په توګه نه دی نیول شوی.
د نوموړي په وینا، افغان حکومت په تېر یوه کال کې د قطر په منځګړیتوب د ځینو بهرنیو وګړو قضیو ته د رسېدو په موخه د حسن نیت له امله مثبت ګامونه پورته کړي دي.
ښاغلي بلخي دا هم ویلي، چې افغان حکومت غواړي د بندیانو موضوع د دواړو لورو ترمنځ د رغنده تعامل له لارې پایته ورسوي.