د راپورونو له مخې، د بولویا په سویل لویدیځ یوکالا سیمه کې د یوه بسموټر چپه کېدو له امله ۳۰ کسان مړه شوي او یو شمېر نور ټپیان شوي دي.
راپورونه کاږي، چې یاد بس ۸۰۰ متره لاندې یوې کندې ته لوېدلی او ښایي موټر چلوونکي د پېښې پر مهال خپل کنټرول له لاسه ورکړی وي.
بل خوا روغتیايي چارواکو ویلي، چې د پېښې ټپیانو کې یو شمېر ماشومان هم شامل دي، چې روغتون ته د درملنې لپاره لېږدول شوي او د یو شمېر ټپیانو روغتیايي وضعیت د اندېښنې وړ ښودل شوی دی.