هندوکشغږ ته ځایي سرچینې وایي، پاکستاني طالبانو د خیبر ولسوالۍ په تیراه سیمه کې «زنګي او ادم خېل» پوستو ته د مرستې لپاره ورغلي کاروان ته کمین ورکړی او دا مهال د دواړو لوریو ترمنځ نښته روانه ده.
د سرچینې په خبره یادې دوې پوستې له څو ورځو راهیسې د پاکستاني طالبانو تر سختې محاصرې لاندې دي.
سرچینه زیاتوي، په دغه نښته کې تر دې مهاله دوه پاکستاني پوځیان هلاک شوي او پاتې نور هڅه کوي له سیمې وتښتي.
یاده دې وي، چې پاکستاني طالبانو له وړمې ورځې راهیسې خیبر پښتونخوا کې په یو لړ بریدونو کې تر ۲۵ ډېر پاکستاني پوځیان هلاک او ټپیان کړي.