د هرات ولايت مقام خبر ورکړی، چې تېره ورځ د اسلامکلا له ګمرک څخه د کیفیت د ټاکل شویو معیارونو د نه پوره کولو له امله ۱۸ موټره نفتي او غیرنفتي توکي بېرته صادروونکو هېوادونو ته ګرځول شوي دي.
سرچينه وايي، په بېرته ګرځول شویو توکو کې اته ټانکره ډیزل، اووه ټانکره پټرول، دوه موټره ټيسيون او یو موټر کلسیم کاربونېټ شامل دي.
د سرچینې په وینا، د یادو توکو د بېرته ګرځولو پرېکړه د کیفیت د ارزونې له بهیر وروسته شوې، څو هېواد ته د بېکیفیته توکو د واردېدو مخه ونیول شي.


