حماس اسلامي غورځنګ د يوې رسمي بيانيې په خپرولو سره د مصر هغه وړاندیز په کلکه رد کړی، چې پکې ویل شوي وو چې د حماس غورځنګ په شمول ټول فلسطیني غورځنګونه باید خپل توغندي او وسلې په اسرائیلو باندې د بریدونو لپاره ونه کاروي.
د مصر له لوري حماس غورځنګ ته په شوي وړانديز کې همدا راز ويل شوي، چې د فلسطیني دولت تر جوړېدو پورې بايد حماس غورځنګ خپلې ټولې وسلې او توغندي د مصر او اروپا تر نظارت لاندې زېرمه کړي او په اسرائیلو یې له کارولو څخه ډډه وکړي.