خبریال سمیع یوسفزي د بګرام موضوع ته په اشارې ويلي، چې «طالب» وطن پلورونکی نه دی او په خبره یې د ۲۰۰۱ کال په څېر به له خپل قدرت تېر شي؛ خو يوه لوېشت خاوره به چاته ورنه کړي او نه به هم کوم بهرنی عسکر د اشغال په بڼه ومني.
هغه همدا راز د نجيب ازاد په نوم يو کس ته په غبرګون کې چې نن یې باګرام ته د امريکايي عسکرو د تګ شايعه خپره کړې وه ليکلي: «د دغه کس له سویې نه معلومیږې چې نه د پوهنتون استاد دی، نه کوم بل حیثیت لري؛ بلکې جعلي هویت یې ځان ته جوړ کړی او هوايي ډزې دي چې کوي یې.»
سميع يوسفزي همدا راز نجيب ازاد ته په اشارې ويلي، چې په ویښتان ببر پرېښودلو، په الفاظو اکټونه کولو چټیات ليکلو، یوه اوونۍ د اشرف غني په ارګ کې کار کولو او بيا له دندې نه په شړلو له چا سياسي مبصر او تحلیلګر نهشي جوړېدلی.
ياده دې وي، چې د نجيب ازاد په نوم يوه امريکا مېشتي افغان چې په کوم امريکايي پوهنتون کې د استادۍ ادعا کوي نن سهار له هر ډول ثبوت او اسناد پرته شايعه خپره کړه، چې ګواکې امريکايان بګرام ته په لاره دي.
د نوموړي دا شايعه په رسنيو کې له سخت غبرګون سره مخ شوه او تر دا مهاله ګڼ شمېر مطرح څهرو د نجيب ازاد دا شايعه او دروغ غندلي دي.