د ترکیې انادولو خبري اژانس د صهیونیستي رژیم د رسنیو له قوله راپور ورکړی، چې د حماس او اسرائیلي رژیم ترمنځ د روانو غیرمستقیمو مذاکراتو کې “ډراماتیک” پرمختګ شوی دی.
د صهیونیستي رژیم ۱۳ ټلویزیوني چینل د دغه رژیم د مرکچي پلاوي د یوه غړي له قوله لیکلي، چې دواړه لوري یوې هوکړې ته نږدې شوي.
دغه چارواکي زیاته کړې، چې بنیامین نتنیاهو له غزې څخه د صهیونیستي ځواکونو د وتلو په اړه خپل دریځ نرم کړی او په دې اړه یې د مذاکراتو لپاره صهیونیستي مرکچیانو ته صلاحیت ورکړی دی.
د یادونې ده، چې صهیونیستي رژیم او حماس ترمنځ غیر مستقیم مذاکرات د جولای په شپږمه د قطر په پلازمېنه دوحه کې پیل شوو، چې موخه یې غزه کې د اوربند ټینګېدل، له غزې د صهیونیستي پوځیانو شاتګ او د صهیونیستي بندیانو ازادېدل ښودل شوي دي.