د اطلاعاتو او کلتور وزیر شیخ شیراحمد حقاني د فتحې د پنځمې کلیزې په نمانځغونډه کې ویلي، افغانانو له ډېرو کړاوونو او سرښندنو وروسته د اسلامي نظام او ازادۍ نعمتونه ترلاسه کړي او د نوموړي په وینا، اسلامي شریعت د منحوسې ډیموکراسۍ ځای نیولی دی.
نوموړي ویلي، افغانانو د اسلامي نظام د حاکمیت لپاره سترې قربانۍ ورکړې او د همدې سرښندنو په پایله کې په هېواد کې اسلامي نظام حاکم شوی دی.
شیخ شیراحمد حقاني ټینګار کړی، چې افغان حکومت د خپل نظام د جوړولو او حکومتدارۍ په برخه کې د هېڅ هېواد یا لوري فرمایشات نه دي منلي او په راتلونکي کې به یې هم ونه مني.