د افغان حکومت مشرتابه د «مشرتابه د فرمانونو د اغېزو څېړلو په اړه علمي-څېړنیز کنفرانس» کې ویلي، چې خلک باید د اسلامي امارت له تعریف او حقیقت سره اشنا شي.
نوموړي ټینګار کړی، چې د اسلامي امارت سیاست د قرآن کریم سیاست دی او د شریعت تطبیق د اسلامي امارت له شتون پرته ناممکن دی.
د مشرتابه په خبره، د مسلمانانو یووالی د امیر په مرسته رامنځته کېږي او د امیر درناوی د رعیت درناوی دی.
هغه زیاته کړې، چې د فتنې د مخنیوي او د مسلمانانو د یووالي لپاره یې د اسلامي امارت مشري منلې او ژمنه یې کړې، چې د خپل واک د ساتلو لپاره به مسلمانان په خپلو کې جګړې ته نه هڅوي.
نوموړي دغه راز ویلي، چې د ده له تنفیذي امر پرته قصاص او حدود نه عملي کېږي او د فتنې د له منځه وړلو لپاره باید قرباني ورکړل شي.
هغه ټینګار کړی، چې که علماء سره متفق شي، هېڅوک یې مقابله نه شي کولی او زیاته کړې یې ده.
نوموړي دا هم وویلي، چې زما بدن دې وسوځول شي خو مسلمانان دې له فتنې وژغورل شي.


