د افغان حکومت مشرتابه شیخالاسلام د مشرتابه د فرمانونو د اغېزو څېړلو په اړه علمي ـ څېړنیز کنفرانس کې ویلي، چې اوس د هېواد ان یوه لوېشت خاوره هم د بل چا تر واک لاندې نه ده.
نوموړي زیاته کړې، چې فتنه پای ته رسېدلې او اسلامي امارت جوړ شوی دی؛ نو باید ساتنه یې وشي.
د ښاغلي شیخالاسلام په خبره، تر دې وړاندې یې د رهبرۍ او اطاعت داسې بڼه نه وه لیدلې.
هغه دغه راز ویلي، چې که څوک د منکر د مخنیوي په لار کې ووژل شي، غوره شهید دی.
نوموړي د علماوو کرامو په اړه ویلي، چې اوس د دې وخت دی چې دین ورسوي، فکرونه جوړ کړي او اسلامي امارت خلکو ته وروپېژني.
هغه له بهر مېشتو افغانانو غوښتي، چې هېواد ته راستانه شي او په امن ژوند وکړي.
نوموړي زیاته کړې، چې ټول افغانان کولای شي، له هر ډول توپیر پرته په افغانستان کې په امن ژوند وکړي.


