شېر کړئ Facebook Twitter بریښنالیک Telegram WhatsApp د افغان حکومت وياند مولوي ذبيح الله مجاهد د ملګرو ملتونو د سرمنشي انتونيو ګوتریش هغه څرګندونې په کلکه غندلي او بې مسؤليته یې ګڼلي، چې په افغانستان کې یې د ښځو په اړه اقدامات احمقانه بللي وو.ښاغلي مجاهد د ملګرو ملتونو سرمنشي ته په خطاب کې ويلي:«د ملګرو ملتونو مشر باید د خپلو خبرو او الفاظو معنا ته متوجه وي او بې سنجشه توري ونه کاروي.»نوموړي زياته کړې، چې په افغانستان کې د ښځو او نارینه ؤو په اړه قوانین او لارښونې د اسلامي شریعت په اساس او له هغو سره په بشپړ مطابقت دي.د ښاغلي مجاهد په خبره که څوک په خپله د شرعي قوانینو په اړه معلومات ونه لري دا د هغو خپله ناپوهي ده، چې باید په نورو د تور لګولو پرځای خپل معلومات بشپړ کړي.
د کابل او تاشکند ترمنځ د نشهیي توکو د کنټرول لپاره د ګډ تخنیکي ټیم پر جوړولو هوکړه وشوه21 اپریل 2026
