پاکستاني رژيم پر افغان خاوره د خپلو وروستيو تېريو درنه بيه پرې کړه او له پرون ماښام تر دې دمه پر فرضي کرښه او د پاکستان دننه یې د تلف شويو ملېشو شمېر شاوخوا ۳۰۰ تنو ته ورسېده.
په لومړي سر کې بېګا شپه افغان ځواکونه بریالي شول، چې د ډيورنډ فرضي کرښې په اوږدو کې ۱۹ پوستې له پاکستاني ملېشو ونيسي او نږدې ۶۰ تنه ملېشې هلاک کړي.
پاکستاني رژيم په مخامخ جګړه کې له شرمونکې ماتې او تېښتې وروسته هڅه وکړه چې د افغانستان دننه هوايي بريدونه وکړي؛ خو رژيم ته د اسلام اباد د په نښه کولو اړوند د مولوي ذبيح الله مجاهد خبرداری نن عملي شو.
افغان ځواکونو له سهار راهیسې پېښور، اسلام اباد، کراچۍ او ځينو نورو مهمو ښارونو کې د پاکستاني رژيم مهم نظامي مرکزونه په نښه او درنه مرګ ژوبله یې واړوله چې د ټپیانو او هلاک شويو شمېر تر سلګونو پورې رسېږي.
که څه هم رژيم د يادو تلفاتو د پټولو هڅه کوي او په دولتي او شخصي رسنيو یې سخت سانسور وضعه کړی دی؛ خو د سیمې د عيني شاهدانو له خولې، چې د اسلام اباد مرکزي روغتون کې بېړنی حالت اعلان دی او د ټپیانو او جسدونو د انتقال په موخه امبولانسونو غوغا جوړه کړې ده.
په ورته وخت کې د پاکستاني رژيم د اطلاعاتو وزير عطاء الله تارړ هم اسلام اباد او نورو سیمو کې د افغان ځواکونو د ون بريدونه تاييد خو مرګ ژوبله یې پټه کړې ده.