د امریکا د خزانې وزیر سکاټ بسنت پر خپله اېکس پاڼه لیکلي، چې اروپايي ټولنه د ایران د اقتصادي منزوي کولو لپاره د امریکا له نوي کمپاین سره یوځای شوې ده.
بسنت پرته له نورو جزیاتو ویلي، چې اروپايي ټولنه په رسمي ډول د ایران د اقتصادي منزوي کولو له هڅو سره یوځای شوې او واشنګټن د دې دریځ هرکلی کوي.
د راپورونو له مخې، تر دې وړاندې کوم اروپايي چارواکي په رسمي ډول د دې ادعا په اړه څرګندونه نه وه کړې. دغه ادعا په داسې حال کې مطرح شوې چې د ایران پر وړاندې د امریکا او اروپايي هېوادونو د بندیزونو د سیاست په اړه بحثونه دوام لري.