رویټرز راپور ورکړی چې د امریکا د دوو مهمو استخباراتي ادارو، سي آی اې (CIA) او د ملي استخباراتو د رئیس دفتر (ODNI) ترمنځ ژور اختلافات رامنځته شوي چې د ملي امنیت په حساسو ارزونو یې منفي اغېز کړی دی.
د راپور له مخې، دواړو ادارو د استخباراتي معلوماتو د شریکولو او مسؤلیتونو پر سر خپلمنځي شخړې زیاتې کړي، تر دې چې سي آی اې د ځینو مهمو راپورونو، په ځانګړي ډول د ایران د جګړې اړوند ارزونو کې له همکارۍ ډډه کړې ده.
شنونکي وایي، دا اختلافات په داسې وخت کې د امریکا استخباراتي نظام کمزوری کوي چې واشنګټن د ایران، چین او روسیې په څېر لویو امنیتي ننګونو سره مخ دی او دا چاره د امریکا د استخباراتي همغږۍ او پرېکړهنیونې پر وړتیا د پوښتنې نښه راولاړوي.