د امریکا ولسمشر ډونالډ ټرمپ له خبریالانو سره په غونډه کې ویلي، چې په ترکیه کې د ناټو سرمشریزې ته د ګډون یو مهم دلیل یې د ترکیې له ولسمشر رجب طیب اردوغان سره لیدنه ده.
د امریکا ولسمشر ډونالډ ټرمپ د ناټو سرمشریزې ته د خپل سفر په اړه ویلي، چې د ترکیې ولسمشر رجب طیب اردوغان یې نږدې ملګری او درناوي وړ مشر دی او همدې اړیکو هغه د سرمشریزې ګډون ته هڅولی دی.
ټرمپ له خبریالانو سره په خبرو کې اردوغان ستایلی او زیاته کړې یې ده، چې واشنګټن او انقره کولای شي په بېلابېلو برخو، په ځانګړي ډول دفاعي همکاریو کې خپلې اړیکې لا پیاوړې کړي.
ټاکل شوې د ناټو سرمشریزه د سه شنبې په ورځ د ترکیې په پلازمېنه انقره کې پیل شي. تمه ده چې په دې غونډه کې به د نړۍ یو شمېر مشران ګډون وکړي او د نړیوال امنیت، سیمهییزو شخړو او د ناټو د غړو هېوادونو د همکارۍ پر پراختیا به خبرې وشي.
د ټرمپ څرګندونې داسې مهال مطرح کېږي، چې د امریکا او ترکیې ترمنځ د دفاعي او ستراتیژیکو اړیکو د پراختیا په اړه بحثونه دوام لري.