ايراني رسنيو يو امنيتي خبرداری خپور کړی او ويلي يې دي، چې اسرائيل د تليفونونو د تعقيب له لارې د خلکو د وژلو هڅې کوي.
د فارس خبري اژانس د راپور له مخې، اسرائيل په وروستيو هدفي وژنو، په ځانګړي ډول د ساينس پوهانو په نښه کولو کې له دې تخنيک څخه کار اخیستی.
راپور زياتوي، چې يوازې د موبايل بندول کافي نه دي، بلکې بايد دا د هدف سيمې ته تر تګ وړاندې او په خوندي ځای کې بند شي. دغه خبرداری په ځانګړې توګه سياسي، امنيتي او نظامي فعالانو ته ډېر مهم بلل شوی دی.