د ایران دولتي خبري اژانس راپور ورکړی، چې د محمد باقر قالیباف په مشرۍ د ایران مرکچي پلاوی سویس کې له امریکایي لوري سره مذاکراتو کې تر ګډون وروسته تهران ته ګرځېدلی دی.
په ورته مهال منځګړو هېوادونو په یوه ګډه اعلامیه کې ویلي، چې د دواړو لوریو ترمنځ د مذاکراتو د بهیر د څارنې لپاره د یوې کمېټې پر جوړولو او د ۶۰ ورځو په موده کې د وروستۍ هوکړې د ترلاسه کولو لپاره د یوې لارې نقشې پر جوړولو هوکړه شوې ده.
له بل لوري د ایران د بهرنیو چارو وزیر پر خپلې اېکسپاڼې لیکلي، چې د ایران د نفتو او پټرولیمي محصولاتو پر صادراتو لګېدلي بندیزونه ځنډول شوي او سمندري محاصره پای ته رسېدلې ده.
هغه زیاته کړې، چې د ایران د کنګل شوې شتمنۍ یوه برخه ازاده شوې او د هېواد د بیارغونې او اقتصادي پرمختګ ستره طرحه عملي شوې ده.
عراقچي ویلي، چې دغو مذاکراتو کې په لبنان کې د جګړې د پای ته رسېدو لپاره مهم پرمختګونه رامنځته کړي دي.