د ایران خاتمالانبیا مرکزي قرارګاه د یوې خبرپاڼې په خپرولو سره د اشغال شوي فلسطین په شمال کې مېشتو صهیونیستانو ته خبرداری ورکړی، چې هر څه ژر خپل کورونه پرېږدي او خوندي سیمو ته ولاړ شي.
د ایراني رسنیو د راپورونو له مخې، دا خبرداری د لبنان پلازمېنې بیروت پر ځینو سیمو د صهیونیست لومړي وزیر له لوري د برید حکم له صادرېدو وروسته ورکړل شوی.
د ایران خاتم الانبیاء مرکزې قرارګاه ویلي، که صهیونیستي رژیم پر بیروت برید وکړي، نو د اشغال شوي فلسطین په شمالي برخو کې به مېشت صهیونیستان هم له ګواښ سره مخ شي.