د ایران د بهرنیو چارو وزیر عباس عراقچي ویلي، تر هغه چې د امریکا ګواښونه دوام ولري، د وروستۍ هوکړې په اړه به خبرې اترې پیل نه شي.
عباس عراقچي په خپله اېکسپاڼه لیکلي، چې ایران د فشار او ګواښ تر سیوري لاندې خبرو ته چمتو نه دی او د وروستۍ هوکړې په اړه مذاکرات هغه مهال ممکن دي، چې ګواښونه پای ته ورسېږي.
نوموړي د ایران د مذهبي مشر د جنازې مراسمو ته په اشارې ویلي، نه د ایران ولس او نه هم د دغه هېواد وسلهوال ځواکونه هر ډول ګواښ مني.
د عراقچي دغه څرګندونې د امریکا د ولسمشر ډونالډ ټرمپ له وروستیو څرګندونو وروسته شوې دي. ټرمپ ویلي و، که ایران له امریکا سره هوکړه ونه کړي، واشنګټن کولای شي د دغه هېواد مهمې زېربناوې او د انرژۍ تاسیسات په نښه کړي.
د دواړو لورو وروستۍ څرګندونې د تهران او واشنګټن ترمنځ د اړیکو د لا زیات کړکېچ ښکارندويي کوي.