د ایران د ملي امنیت شورا مشر محمد باقر ذوالقدر د امریکا ولسمشر ډونالډ ټرمپ ته خبرداری ورکړی، چې تهران د ګواښونو ژبه نه مني او هر ډول فشار ته به متقابل ځواب ورکړي.
محمد باقر ذوالقدر ویلي، امریکا باید له ایران سره د درناوي پر بنسټ خبرې وکړي، ځکه د هغه په وینا د زرګونو کلونو تمدن لرونکی ایران په ګواښونو نه شي اغېزمنېدای.
نوموړي ټرمپ ته په خطاب کې ویلي، که واشنګټن د ګواښ سیاست ته دوام ورکړي، تهران به په داسې ژبه ځواب ورکړي چې امریکا به یې پایلې احساس کړي.
د هغه دغه څرګندونې د ټرمپ له هغو وروستیو خبرو وروسته مطرح شوي، چې ایران ته یې د پوځي او اقتصادي فشار خبرداری ورکړی و.