د هېواد د دفاع وزیر، مولوي محمد یعقوب مجاهد، د شمال ختیځ زون له ۲۱۷ عمري قول اردو څخه د لیدنې پر مهال د یادې قول اردو امنیتي، اداري او نظامي چارو د ارزونې ترڅنګ له مسوولینو څخه د روانو فعالیتونو راپورونه اورېدلي.
د دفاع وزارت د معلوماتو له مخې، نوموړي د چارو د لا ښه تنظیم، مسلکي همغږۍ او ورسپارل شویو دندو د اغېزناک ترسره کېدو لپاره مسوولینو ته لازمې سپارښتنې کړې دي.
د دفاع وزیر د خپل سفر په لړ کې د کندز ولایت له یو شمېر معیوبو مجاهدینو سره هم کتلي، د هغوی ستونزې او غوښتنې یې اورېدلي او د ملاتړ په موخه یې ورسره نغدي مرستې هم کړې دي.