د ايران د پارلمان مشر، باقر قاليباف ويلي، چې د روانې جګړې معادله روښانه ده، چې يا به ټول وي او يا به هېڅوک نه وي.
قاليباف ويلي، په هغه سیمه کې چې موږ نفت ونه پلورو، بل هېڅوک به یې هم نفت ونه پلوري. که زموږ امنیت خوندي نه وي، د هېچا زیربناوې به خوندي پاتې نشي.
د نوموړي په وينا د هرمز تنګي امنیت د امریکايي ځواکونو په نشتون کې دی.
هغه ټينګار کړی، چې د هرمز تنګي وضعیت به هېڅکله له جګړې مخکیني حالت ته بېرته ستون نه شي.