تسنیم خبري اژانس ویلي، چې د ایران د بهرنیو چارو وزارت ویاند اسماعیل بقايي له امریکایانو غوښتي، چې خپل اولادونه د اسرائیلو د جګړې لپاره د سرتېرو په توګه ونه کاروي.
بقايي ویلي، د یوې اسرائیلي رسنۍ په مقاله کې وړاندیز شوی، چې د بانکي پورونو او مالي ستونزو لرونکو امریکايي محصلینو له ډلې دې د جګړې لپاره سرتېري جذب شي.
هغه له امریکایانو غوښتي، چې اجازه ورنه کړي اولادونه یې د ایران پر ضد جګړه کې ښکېل او د جګړې د لګښتونو د ورکولو وسیله وګرځول شي.