ایراني رسنیو د دغه هېواد د قم ولایت د بېړنیو پېښو ادارې د مشر مهدی باقري له قوله ویلي، چې د قم ښار بلوار بعثت سیمه کې د یوه استوګنیزې ودانۍ دننه د چاودنې له امله اووه تنه ټپیان شوي دي.
نوموړي ویلي، څلور تنه روغتون ته لېږدول شوي او درې نورو سطحي ټپونه لرل، چې د پېښې په ځای کې یې درملنه شوې ده.
سرچینو د چاودنې د لامل په اړه څه نهدي ویلي؛ خو په اړه یې د څېړنو د پیل خبر ورکړل شوی.
د یادونې ده، چې د ایران او صهیونیستي رژیم د وروستۍ جګړې را په دېخوا په دغه هېواد کې مشکوکې چاودنې تر بل هر وخت زیاتې شوي.