د حماس غورځنګ لوړپوړي مشر خالد مشعل د اسرائيلي رژيم وروستيو تحرکاتو ته په غبرګون کې ويلي، دا رژيم غواړي د فلسطین له خلکو وسلې واخلي او بيا یې خپلو ملېشو ته د فلسطيني وګړو د هدف ګرځولو په موخه ورکړي.
نوموړي همداراز له امریکا، اروپا او نړیوالو غوښتي، چې د فلسطین موضوع ته په عادلانه نظر وګوري او د اسرائیلي سرغړونو په وړاندې داسې لارې چارې لټوي، چې د فلسطینیانو حقونه او ملي هویت خوندي کړي.