د حماس غورځنګ پوځي څانګې «القسام» لوا د یو بیان له لارې، اسرائیلي پوځ او سیاسي مشرانو ته خبرداری ورکړی، چې غزه به د هغوی پوځ ته اسانه هدف نه وي، بلکې د هغوی د عسکرو لپاره به د دوزخ دروازه وي.
په بیان کې یې ویلي، چې دوی، سرتېرو بریدونو، ماینونو او کمینونو ترسره کولو ته پراخ چمتووالی لري او غزه به د اسرائیلي اشغالګرو لپاره په هدیرې بدله کړي.
القسام زیاته کړې، چې دا جګړه د صهیونیستانو لپاره د ستړیا جګړه ده، چې زیات شمېر یې وژل شوي او نیول شوي.
د القسام په بيان کې راغلي، چې بندیان د غزې په مختلفو سیمو کې ساتل کېږي او که نتنیاهو د عملیاتو دوام وغواړي، نو اسرائيلي عسکر به یې نه ژوندي پاتې شي او نه به یې مړه ترلاسه کړي.