الجزیرې راپور ورکړی، چې د حماس غورځنګ ویلي د دې ډلې یو مذاکراتي پلاوی د غزې د اوربند د هوکړې د دویم پړاو د پلي کېدو په اړه د خبرو د دوام لپاره د مصر پلازمېنې قاهرې ته رسېدلی دی.
حماس په یوه اعلامیه کې ویلي، چې پلاوی به یې له مصري چارواکو، قطري او ترکي منځګړو او د فلسطیني ډلو له استازو سره خبرې وکړي.
د راپورونو له مخې، په دغو خبرو کې به د اوربند ټینګښت، د هوکړې د ژمنو عملي کېدل، بشري مرستې، د غزې د راتلونکې ادارې او د دویم پړاو د ترتیباتو په اړه بحثونه وشي.
دا سفر وروسته له هغه کېږي چې په غزه کې د حکومتي کارونو د څار کمېټه منحل او د غزې د ادارې چارې یوې ملي کمېټې ته د سپارلو لپاره ګامونه پورته شول.