د داعش خراسان تمويلوونکي او له شمالي ټلوالې سره يې رابطې

عبدالله زاهد

داعش په ۲۰۱۱ ميلادي کال په عراق او سوريه کې را څرګند سول او په ۲۰۱۳ ميلادي کال کښې يې نوم د عراق او سوريې اسلامي دولت او په ۲۰۱۴ ميلادي کال يې د خلافت اعلان وکړ، له دې سره يې د هغه ځای د القاعدې مجاهدينو سره جګړې شروع کړې، چې وروسته يې نړۍ کې بخشونه جوړ او ډله يې پراخه کړه او دا هم ټول مسلمه امت او نړۍ ته څرګنده ده چې د داعش په نامه ټول خوارج يواځې يوه پروژه ده، چې وخت په وخت د نړۍ سوپر طاقتونه ترې کار اخلي، خو د دوی اصل مبارزه د کفارو سره نه، بلکې مسلمانانو او بالخصوص د مجاهدينو سره ده؛ هر ځای کې دوی د مجاهدينو خلاف جګړه کوي او داسې وحشتونه کوي چې انسانيت ترې پناه غواړي.د غرب دغه پروژه سعودي عربستان، پاکستان او ځيني نور غلام حکومتونه عملي کوي، دغه دسيسه په داسې شکل سره د غرب له خوا حمايه کېږي، چې خپله کشره طبقه د دې ډلې نه پوهېږي چې څوک يې څنګه استعمالوي، ځکه هغوی ته يې يو شعار د خلافت ور مخکې کړی نور يې هغوی فکر نه کوي چې ولي يې غلام حکومتونه مرسته کوي او دا دسيسه څنګه روانه ده.دوی نه پوهېږي چې دغه دسيسه د CIA، موساد، GIP، ISI او نورو استخباراتو له لوري کنټرولېږي، کوم چې مشران يې ټول ورسره اړيکه کې دي. راځم داعش خراسان ته چې افغانستان کې يې څوک او ولي سپورټ کوي؟د دوی تر شا دغه ناولې لاسونه د کوم هدف لپاره دي؟داعش خراسان که څه هم د عراق او سوريې د داعشيانو ډله ځان بولي خو اصل کې داعش خراسان د آی ايس آی يو نفوذي ډله ده، او آی ايس دغه ډله د پيسو او ځينو شخصي ګټو په پار پر مخ بيايي.داعش د عراق او سوريې ته هم فرق نه ورکوي، چې څوک دي بس چې شيعه وژني او د دوی نوم اخلي، يا د مجاهدينو خلاف جنګېږي، مسلمان وژنې ته يې کار ويلی وي؛ دوی ته دغه شهرت اهم دی.د داعش خراسان مرسته ډايريکټ عربستان او موساد (اسراييل) کوي د پاکستان په ذريعه، ځکه دلته منځنۍ آسيا خصوصا ايران ته د دوی رسول او بيا ايران ته سرخوږی جوړول، د فلسطين او يمن بدله ترې اخيستل يې مطلب دی، ولي چې يمن کې د مجاهدينو مرسته کوونکی ايران وو او پر يمن جګړه عربستان او اسراييلو په ګډه کول، فلسطين کې هم جګړه اسراييل کوي او د مجاهدينو مرسته يې ايران کوي. همدغسي مذهبي مشکلات د عربستان او ايران تر منځ دې حالت ته رسېدلي، که تاسو فکر وکړئ چې داعش د شيعه قتل عام ته سخت خوشحاله کېږي، دوی همېش هڅه کړې چې د شيعه قتل عام ته ځان و رسوي، ماشوم، سپين ږيری، زنانه او ځوان يې نه ګوري، ولي چې له لوړې خوا دوی ته دا نظريه ورکول سوې، د ايران او اسراييلو دښمني د مسلمان او کافر نه ده، بلکې دغه دښمني مخکې تر اسلام يعني له اوس څخه 2612 کلونه مخکې (588 BCE) د پرشن ايمپاير امپراتورۍ حمله پر يهودو او هيکل سليماني(بيت المقدس) ړنګول، د تابوت سکينه وړل او د اسراييلو شړل له بيت المقدس څخه الهام اخلي، چې بخت النصر بيت المقدس وران او د دوی د عبادت نسخې يې وسوځولې.د داعش خراسان اصل هدف منځنۍ آسيا او ايران دی، عربستان هم ځکه د داعش خراسان سره مرسته کوي چې ايران ته سر درد جوړ کړي او بل طرف پاکستان هر رنګه خلک لري تر څو سيمه کې يې د پردو لپاره استعمال کړي، هغه که د دوی د پوځ ضرورت سي يا هم د نورو ډلو، دوی يې سيمه کې د پيسو لپاره خدمت کې ولاړ وي.داعش خراسان د پاکستان جوړه سوې ډله ده چې څنګه يې وغواړي هلته يې همغسي استعمالوي او د آی ايس آی په مېلمستون کې د مېلمنو غوندي ساتل کېږي.غرب، عربستان او پاکستان ډېره هڅه وکړه چې داعش خراسان په سيمه کې زيات سي، ډېر مالي او تسليحاتي کومکونه يې وکړه هم د تېر حکومت دور کې او هم يې اوس کوي، خو اوس داعش خراسان بيخي د ختمېدو له خطر سره مخ سوي، افغانستان ته را اوښتلای هم نه سي، او پټنځايونه بيخي افغانستان کې نه لري؛ دې حالت ته په کتو پاکستان هڅه وکړه چې داعش د شمالي ټلوالې په ډله کې نفوذ وکړي، ځان منځنۍ آسيا او ايران ته د شمالي ټلوالې په ذريعه و رسوي، چې د دې لپاره پاکستان کې آی ايس آی ډېر مجلسونه د شمالي ټلوالې او داعش خراسان تر منځ برابر کړي، چې پکې دې توافقاتو ته رسېدلي چې بايد يو له بل سره تسليحاتي او مالي مرستې وکړي.په دې شکل سره پاکستان غواړي داعش په تاجکستان، ازبکستان، ترکمنستان کې قوي او د ايران تر سرحده يې و رسوي؛ ځکه پاکستان او غرب پوهېږي چې د طالبانو شتون کې د داعش پرمختګ او د ايران سرحداتو ته رسېدل ناممکنه دی؛ يوه لويه وجه د غرب او پاکستان د تورونو چې پر افغان حکومت يې لګوي همدغه ده چې دلته بله هيڅ ډله فعاليت نه سي کولای تر څو د دوی ګټې سيمه کې خوندي کړي، دوی پرې خپل اهدافو ته و رسېږي او طالبان د چا فرمايشات نه مني، خپله تګلاره، خپل حکومت او خپل ولس مني. شمالي ټلواله هم چې افغانستان کې پټنځايونه پرې درېدلي او بالکل پر ختمېدو ده، نو د خپلې ډلې د راپورته کولو په پار يې پاکستان او هر ملک ته د هر څه کولو ځيګر ټکولی، تر څو د طالبانو مخالف ورسره مرسته وکړي او هر څه چې بدل کې غواړي دوی يې ورته کوي.هندوکش ته داسې آسناد هم په لاس ورغلي چې دوی توافقاتو کې بريالي سوي، ځکه هغه نور ملکونه لکه ايران، تاجکستان چې د شمالي ټلوالې ملاتړ کوي پر خپله تګلاره بايد له سره غور وکړي؛ ولي چې يو طرف دوی د شمالي ټلوالې مرسته کوي او بل طرف شمالي ټلواله د داعش خراسان سره يوه سوې او په ګډه به عمليات کوي او داعش خراسان به ايران و نورو سيمو کې رسوخ پيدا او د غرب او اسراييلو ګټې په منځنۍ آسيا کې خوندي کوي. پر سعودي عربستان پر نړيوال سټېج تورونه بار، بار لګول سوي چې داعش سپورټوي خو امريکا او سعودي ترې انکار کړی.هيلري کلينټن (هیلري ډیان روډم کلینټن یوه امریکایی سیاستواله او ډیپلوماته ده چې د 2009 څخه تر 2013 پورې یې د بارک اوباما په اداره کې د متحده ایالاتو د بهرنیو چارو د وزیرې په توګه دنده ترسره کړې ، د متحده ایالاتو سناتور په توګه له 2001 څخه تر 2009 پورې د نیویارک استازیتوب کوي ، او د لومړۍ میرمنې په توګه. له ۱۹۹۳ تر ۲۰۰۱ پورې د امریکا ولسمشر بل کلنټن.) وايي چې سعودي عربستان د داعش تمويل له پيل څخه کوي او وايي چې ټرمپ هم دې پروژه کې ورسره ملګری دی.د يوه راپور له مخې چې د ټويټر اکونټونه د داعش په سپورټ ډېر له سعودي عربستان څخه دي، همدغسي امريکا هم څلورم ليست د ټويټر اکونټونو د داعش په ملاتړ کې راځي؛ که چيري د داعش خراسان خبره سي نو ټول ملاتړي يې له پاکستان څخه دي، که د هر يوه څېړنه وسي نو تر ۹۰ سلنه زيات ملاتړي به يې پاکستان کې وي خو عجيبه دا ده چې داعش پاکستانيان دي، اوسېږي هلته، روزنه او هر څه يې هلته کېږي، مګر له هغې ډيموکراسۍ څخه راځي او دلته د يوه داسې اسلامي نظام مقابل جنګېږي چې نړۍ کې يې سارۍ نسته، ايا دا بسنه نه کوي د دوی پر غلامۍ او توطييه؟ همچنان دوی هلته تر اوسه پر پوځ و آی ايس آی حمله نه ده کړې او که کوم عمليات هم پاکستان کې يې کړي وي، هغه هم پر عوامو يا د آی ايس آی پر ناخوښه ډلې او د هغوی(آی ايس آی) په خوښه يې دا کار کړی، تر ننه دوی پاکستان کې د اوسېدو سره بيا هم هلته د خپل بخش اعلان نه دی کړی.د ټي ټي پي پخواني وياند احسان الله احسان يو راپور خپور کړی، چې په پوره وضاحت سره يې بيان کړي چې داعشيانو څخه څوک، چيري او څنګه د آی ايس آی په مېلمستونونو کې له مېلمستيا خوند اخلي او زياتوي چې آی ايس آی او غرب دا کار د دې لپاره کوي چې د افغانستان پر اسلامي امارت باندې فشار وارد کړي.د احسان الله احسان پوره مقاله د داعش باره کې په لاندي لينک کې کتلای سئ چې چيري، کوم مېلمستون کې، کوم داعشيان ساتل کېږي او د هر داعشي د کور و ځای او هر څه يې واضح بيان کړي. https://sundayguardianlive.com/top-five/isis-leadership-enjoying-hospitality-of-pakistan-agencies#:~:text=Sheikh%20Abdul%20Wadood.,important%20religious%20scholar%20of%20ISKP.&text=Pakistan%20is%20using%20its%20ISIS,the%20Islamic%20Emirate%20of%20Afghanistan.دا چې د داعش خراسان مشران اکثريت په اورکزو سيمه کې اوسېږي او وخت په وخت تګ راتګ اسلام اباد او د کراچي ښارونو ته لري، دا هر څه غرب هم ويني، نړۍ يې هم ويني او هم سي آی اې CIA په دې خبره ده، بلکې لا ورسره مرسته کېږي چې دغه پروژه پر مخ يوسي.بل طرف د عربستان مرستې چې کله هم له پاکستان سره زياتې سوي هغه وخت کې داعش خراسان راپورته سوی خو بار، بار ناکاميو وروسته سعودي عربستان هم پر پاکستان مرستې کمې کړې؛ دا ځکه وايي چې پروژه سمه نه سې عملي کولای. د سيمې ملکونه بايد دې بخش کې اقدام وکړي او د شمالي ټلوالې او داعش خراسان يارانه وڅېړي او د دوی له تمويل څخه لاس واخلي. پای