روسیې یو ځل بیا د اوکراین په خارکیف ښار کې یوه لوړپوړې ودانۍ په نښه کړې چې له امله یې درې تنه وژل شوي ۳۴ نور ټپیان دي.
رویټرز خبري اژانس د ځينو سرچینو له قوله ویلي، اندېښنې شته چې ځینې کسان دې اوس هم تر خاورو لاندې بند پاتې وي.
د اوکراین ولسمشر، ویلادیمیر زېلېنسکي د روسیې د دغه لارښود شوي هوايي برید په اړه ویلي، “په برید کې یوه استوګنیزه ودانۍ، نانوايي او سټډیوم په نښه شوي چې قربانیان یې ټول ملکي وګړي دي.”
