د ریاست الوزراء اداري مرستیال مولوي عبدالسلام حنفي د نوي ۱۴۰۴ ښوونیز کال د پیل مراسو کې ویلي چې، سرپرست حکومت د افغانستان ټولو نقطو په ځانګړي ډول لرې پرتو سیمو ته د ښوونې او روزنې د پراختیا په موخه د یو غوره معارف رامنځته کولو ته ژمن دی او هر هغه څه چې یې په توان کې وي د هېواد د اتباعو د ښوونې او روزنې د ودې لپاره به یې ترسره کړي.
ښاغلي حنفي د خبرو پر دوام، هیله څرګنده کړې چې ځورېدلی افغانستان د یوه غوره، پرمختللي او د افغانانو ټولو تعلیمي اړتیاوو ته د ځواب ویونکي معارف لرونکی وګرځي.
د یادونې وړ ده، چې اوسمهال سرپرست حکومت د نږدې څلور سوه زره کارمندانو او د ۱۰ میلیونه زده کوونکو په درلودلو سره، چې په ۴۴ زره مدرسو او ښوونځیو کې ورته د دوه سوه او پنځوس زره استادانو لخوا تدریس کیږي او د هېواد بچیانو ته په خدمت بوخت دی.
