راپورونه وايي، چې د سعودي عربستان او د يمن د حوثیانو ترمنځ د جګړې پر دوام تېره شپه د سعودي عربستان جنګي الوتکو د یمن پر تعز او صعده سیمو هوايي بریدونه کړي او د صعدې منبه سرحدي سیمه یې هم په توپونو ویشتلې ده.
په ورته مهال د حوثیانو پوځي ویاند بیا ادعا کړې چې د توغندیو او بېپیلوټه الوتکو په وسیله یې د سعودي عربستان په جنوب کې پر یوې پوځي اډې برید کړی دی.
دغه راز ملګرو ملتونو ویلي، په یمن کې د جګړو د شدت له امله نږدې ۸۶ زره کسان بېځایه شوي او خبرداری ورکړل شوی چې د سعودي د ختیځ ـ لوېدیځ د تېلو اصلي نللیکه که په څو ورځو کې فعاله نه شي، د نړۍ تر څلور سلنې د تېلو عرضه اغېزمنولی شي.