د سعودي عربستان بهرنیو چارو وزارت د يوې اعلاميې په خپرولو سره د اسرائیلو لخوا د غزې په شمالي او جنوبي برخو کې وروستي پوځي بریدونه غندلي دي.
د یاد وزارت په اعلامیه کې راغلي، چې دغه بریدونه د نړيوالو قوانینو او د بشري حقونو خلاف دي او د ملګرو ملتونو د منشور سره په تضاد کې دي.
سعودي عربستان ویلي، دغه بریدونه د سیمې د سولې او ثبات لپاره شته فرصتونه له ګواښ سره مخ کوي او د بشردوستانه مرستو مخه نیسي.