د امریکا ولسمشر ډونالډ ټرمپ تېره ورځ دوشنبه (د غويي، ۲۹مه) د جو بایډن د سرطان د ناروغۍ د پټ ساتلو په اړه د رامنځته شویو اټکلونو په غبرګون کې ویلي، چې د دې خبر په ناوخته خپرېدو حیران شوی.
ټرمپ خبریالانو ته ویلي: «حیران یم چې دا موضوع ولې له وړاندې نه وه څرګنده شوې.» نوموړي زیاته کړې چې د پروستات سرطان تر تهاجمي پړاو پورې رسېدل، عموماً ډېر وخت نیسي.
د امریکا د پخواني ولسمشر دفتر یکشنبه (د مې ۱۸مه) تأیید کړه چې جو بایډن د پروستات پر سرطان اخته او هډوکو ته یې هم خپور شوی دی.