د سعودي عربستان ملي امنیت رئیس «عبدالعزیز الهویریني» خبر ورکړی، چې د ولیعهد محمد بن سلمان له لوري د هېواد بهر مېشتو مخالفینو ته د بېرته راستنېدو بلنه ورکړل شوې ده.
هغه د “حکایة وعد” په نوم تلویزیوني پروګرام کې ویلي، چې هغه بهر مېشتي سعودي مخالفین چې یوازې نظریاتي اختلاف لري او د بهرنیو مغرضو ډلو لخوا استغلال شوي، پرته له کومې سزا څخه کولی شي خپل هېواد ته راستانه شي.
ياده دې وي چې د سعودي عربستان حکومت په دغه هېواد کې د حاکم نظام نظرياتي مخالفين او منتقدينو ته سخته سزا ورکوي او له همدې امله ډېر شمېر خلک له سعودي تېښتې ته اړ شوي دي.