شېر کړئ Facebook Twitter بریښنالیک Telegram WhatsApp اسوشیټيډ پریس راپور ورکړی، چې د سوریې حکومت او کرد ځواکونو ترمنځ څلور ورځنی اوربند تېره شپه پای ته ورسېد، خو دواړو خواوو هوکړه وکړه چې دا اوربند ۱۵ نورو ورځو ته هم وغځوي.د احمد الشرع په مشرۍ د سوریې مرکزي حکومت په تېرو شاوخوا دوو اوونیو کې د کردانو په مشرۍ د «سوریې ډیموکراټ ځواکونو» څخه د شمال او ختیځ مهمې سیمې چې له تېرو څو کلونو راهیسې د کردانو په لاس کې وې، نیولي دي. د سوریې حکومت هڅه کوله چې د کردانو تر واک لاندې پاتې وروستۍ سیمې هم ونیسي، خو احمد الشرع اوربند اعلان کړ او کردانو ته یې تر شنبې شپې د تسلیمېدو او د ملي پوځ سره د یوځای کېدو مهلت ورکړ.که څه هم دا مهلت پایته ورسېد خو کرد ځواکونو تر اوسه د سوریې حکومت ته رسمي ځواب نه دی ورکړی او ويلي یې دي، چې له مرکزي حکومت سره یې خبرې روانې دي.
د حوثیانو خبرداری؛ که د باب المندب تنګي د تړلو هوډ وکړو نو د نړۍ هېڅ ځواک به یې د خلاصولو توان ونه لري19 اپریل 2026
