د کورنیو چارو وزارت ویلي، چې د یاد وزارت وزیر خلیفه سراجالدین حقاني د افغانستان په چارو کې د روسیې د ولسمشر له ځانګړي استازي ضمیر کابلوف سره په لیدنه کې د مخدره موادو پر وړاندې د افغان حکومت د مبارزې، د ملګرو ملتونو د یوه راپور او سیمهییز وضعیت په اړه خبرې کړې دي.
د کورنیو چارو وزارت د معلوماتو له مخې، په دې لیدنه کې د مخدره موادو پر وړاندې د افغان حکومت هڅې او لاستهراوړنې ستایل شوي او د افغانستان په اړه د ملګرو ملتونو د راپور د محتوا په تړاو د افغان حکومت دریځ په ډاګه شوی دی.
همدارنګه دواړو لورو د سیمهییز وضعیت، شته ستونزو د حل او د خبرو اترو پر اهمیت هم بحث کړی.