د سوریې د مالیې وزیر محمد یسر برنیه ویلي، چې دمشق به له ایران څخه د سوریې د ښارونو او تأسیساتو د ویجاړۍ، د خلکو د قتل عام او د بشار الاسد د رژیم د ملاتړ له امله غرامت واخلي.
د راپورونو له مخې، هغه ویلي که روسیه او ایران له سوریې څخه د ځینو مشخصو پیسو (پورونو) د ترلاسه کولو هڅه وکړي، نو سوریه به د دغه هېواد د ویجاړۍ په برخه کې د دوی د رول له امله څو چنده زیات غرامت وغواړي.
د سوریې د ماليې وزیر ویلي، چې له ایرانه د غرامت غوښتنې دوسیه دا مهال د دغه هېواد په مالیې وزارت کې د بشپړېدو په حال کې ده.
نوموړي په وینا، سوریه به «حتا یوه سوریایي لیره هم چاته پرېنږدي.»
د انډېپېنډنټ ورځپاڼې د راپور له مخې، ایران په تېرو دېرشو کلونو کې سوریه کې تر ۵۰ میلیارده ډالرو لګښت کړی.