رويټرز د ایران لوړپوړي مذاکره کوونکي له قوله ویلي ،چې له امریکا سره په وروستیو خبرو کې پرمختګ شوی، خو لا هم د اټومي مسایلو او هرمز تنګي په اړه ځینې اختلافات پر ځای پاتې دي.
بلخوا، ولسمشر ټرمپ د تهران سره د “خورا ښو خبرو” یادونه کړې، مګر په ورته وخت کې یې خبرداری ورکړی چې د دغې حیاتي سمندري لارې پر سر به د ایران هیڅ ډول فشار یا باج اخیستنه (Blackmail) ونه مني.
دا څرګندونې په داسې حال کې کېږي چې د ایران پر وړاندې د امریکا او اسرائیلو په جګړه کې د رامنځته شوي نازک اوربند پای ته یوازې څو ورځې پاتې دي، خو دواړو لورو د خبرو د جزیاتو په اړه څه نه دي ویلي.