یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
د واک جزیرو او د لنډه غرۍ په تېره شل کلنه دوره کې د افغانستان په ټولو شتٙمنیو او ارزښتونو لوبې وشوې؛ چا پکې عامه شتمنۍ لوټلې او چا پکې د ټوپک په زور عامه کلي چور کول.
خو په دې ټولو کې یوه نقطه شریکه وه، هغه دا چې دا شر او فساد ټولګه وه، ځکه دوی د بهرنیو هېوادونو قوي ملاتړ او د وحشتونو لوی داستانونه لرل.
عبدالرشید دوستم د افغانستان برېښنا شرکت تر ۲۰۱۸م کال پورې ۲۵ میلیونه افغانۍ قرضدار وو، چې ده د خپل کور او دفترونو بیلونه نه تحویلول او د هغې له طریقه پرې ميلیونونو افغانیو ته خبر رسېدلې وه.
عطا نور تر ۲۰۱۸م کال پورې ۹ میلیونه افغانۍ د افغانستان برېښنا شرکت له لورې قرضدار و، چې ده هم د حوېلیو او کورونو بیلونه نه تحویلول او قرضونه پرې ترې تر دې اندازې ختلي و.
حضرت علي د ۲۰۱۸م کال پورې ۵ میلیونه د افغانستان برېښیا شرکت له لورې د برېښنا د بیلونو د نه تحویلولو له امله قرضدار شوی و.
جالبه دا وه، چې د قسیم فهیم په قبر د لګېدلو څراغونو بیلونه هم د لکونه افغانیو اوښتي وه، خو په هیچا کې دا جرأت نه و، چې د قرض د اداینې ټکی یې ورته ویلی وی.
دا یو څو مو د نمونې په حیث یاد کړل؛ دلته د ملت په شتمنۍ د شریرو او مفسدو عیاشۍ او خرمستۍ جوړې وې؛ نن هم هماغه پروني مفسدین او بګېلان چې د ملت ارزښت او شان یې د دوه پیسو کړ، په خارج کې د خیالي دولت او جبهو د جوړېدو نغارې ډنګوي.
یو څوک چې د برېښنا د بیلونو پیسو ته غل وي، هغه به د وطن په ارضي تمامیت سودا ته چمتو نه وي؟ یو څوک چې د اعاشې پیسو ته غل وي، هغه به پر ډیورنډ سودا ته چمتو نه وي؟ یو څوک چې د سپین ږیرو په ناموس تېری کوي، هغه به د وطن په ناموس وشرمېږي!؟دوی یواځې د برېښنا د بیل پیسې نه وې تښتولې، بلکې د دې تر څنګ یې د نړیوال بانک ۹۱۰ میلیونه افغانۍ، د اسیایي ۱,۹ میلیارده افغانۍ د اسیایي بانک له لورې پور کړې وې، چې د اسلامي امارت له لورې اداء شول.
فسادیان او شریر ملګري یې تل د شیطانت او ظلمت په لارو چارو تمرکز او فکر کوي.د همدې وطن فروشو او مفسدینو د برېښنا تښتول شوي پورونه د ا.ا.ا له لورې په بشپړ ډول اداء شول چې اوس د وارداتي برېښنا په برخه کې په افغانستان یوه روپۍ پور هم نشته او هېوادوالو ته په دوامداره او منظم شکل برېښنا رسېږي او همدارنګه د افغانستان اسلامي امارت په تېرو درې کلونو کې له هیڅ بهرني بنسټ او شرکت پور نه دی اخیستی، خو برعکس یې د فسادیانو لخوا اخیستل شوي پورونه بیرته اداء کړل چې په دې پورونو کې د نړیوال بانک، اسیایي بانک او نورو پورونه هم موجود وو.