یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
د شر او فساد ډلو تر ډېره هڅې وکړې چې په هیواد کې یوځل بیا تعصب، کینې او حسد ته لمن ووهي، خو هڅو یې کومه ځانګړې نتیجه ورنه کړه، هیچا یې په خبرو ځان اګاه نه کړ.
د شر او فساد بغاوتګر دې په دې وپوهېږي چې د مړ شوي اور ایرې هیڅکله هم په پوکیو نه تازه کېږي، هسې خپلې سترګې پرې ړندوي، خپلو پلویانو او ملګرو ته ګرد او غبار جوړوي.
د افغانستان په تاریخ کې بغاوتګرو ډلو چې کله هم شکست/ماته خوړلې، بیا په ژوند نه دي بریالي شوي او نه چا ورته په کور او کليو کې ځایونه ورکړي، د تل لپاره نابود شوي، لکه څنګه چې د مقاومت په نامه لنډغر له هیواده نیست او نابود شول.
هر هغه مغرض اشخاص چې د نورو په اشارو د اسلامي او شرعي نظام په خلاف د بغاوت نعره پورته کوي، سرنوشت به یې د مقاومت/د شر او فساد د ډلو په څېر وي، چې د بیا ځل لپاره به په ګران هیواد افغانستان کې د ناستې ځای هم ونه لري.
د لنډغر احمد شاه مسعود زوی، لنډغر احمد مسعود او د تېر نظام څو مشهورو غلو، د امریکايي یرغلګرو جاسوسانو، صفاکارانو، قرارداديانو، پروژه یانو او لاسپوڅو ډېرې بغارې ووهلې، د خپلو بادارانو په غېږو کې یې غونډې جوړې کړې، عمده بېلګه یې د روان ۲۰۲۴ م کال د جون ۲۴مه د اتریش هیواد پلازمېنې ویانا کې څلورمه غونډه وه، چې لکچري بڼه یې درلوده، په بې ځایه او عبثو خبرو یې پای ته ورسوله.
پس له دې به د بغاوتګرو/شر او فساد ډلو غړي د نړۍ په یوه کنج او کنار کې ځای و نه لري، دوی په ورنکارۍ کې شهرت لري، لکه څنګه چې یې د تاجکستان هیواد پلازمېنې دوشنبې کې دفتر ور بند کړ، همداسې به یې په نورو هیوادونو کې پر فعالیتونو بندیز ولګوي.
د شر او فساد ډلو اوسمهال تر ډېره رسنیزه جګړه پیل کړې، هغه هم له هغه رسنیو چې، افوهاتو ته انعکاس ورکوي، یعنې یوازې اوازې خوروي، افغان ولسونه د سرچوک په اوازو نه دوکه کېږي او نه به دوکه شي.
د اسلامي امارت په درې کلنه موده کې عوامو د ژوند خواږه وڅکل، خپل انساني ارزښتونه یې وپېژندل، د مستبدو له شره خلاص شول.