د یارا په نوم د کیمیاوې سرې د نړیوال تولیدونکي شرکت مشر خبرداری ورکړی، چې په فارس خلیج کې جګړې او شخړو، چې د هرمز تنګي له لارې یې سمندري لېږد بند کړی، د نړۍ د خوړو تولید له ګواښ سره مخ کړی دی.
د بيبيسي د راپور له مخې، هغه خبرداری ورکړی چې د سرې د کم استعمال له امله د حاصلاتو کمېدل ښايي د خوړو د تولید لپاره د سختې سیالۍ سبب شي.
نوموړي په خپلو خبرو کې له اروپايي هېوادونو غوښتي چې د بیو اغېزې دې پر هغو هېوادونو په دقت وارزوي چې تر ټولو ډېر زیانګالي دي.
دا په داسې حال کې ده چې د ایران-امریکا او صهیونیست رژیم د جګړې له امله له تېرو څه باندې دوو میاشتو راهیسې هرمز تنګی تړل شوی دی.
