د سرپرست حکومت مرکزي وياند مولوي ذبيح الله مجاهد وايي د کورنيو چارو وزير خليفه سراج الدين حقاني، د ملي دفاع وزير مولوي محمد يعقوب مجاهد، د استخباراتو لوی رئيس ملا عبدالحق وثیق، د دفاع وزارت مرستيال ملا عبدالقيوم ذاکر او د کورنيو چارو وزارت مرستيال مولوي محمد نبي عمري کندهار کې د سرپرست حکومت له مشرتابه سره کتلي او د هېواد د امنيتي وضعيت په اړه یې راپور وړاندې کړی.
ښاغلي مجاهد زياته کړې چې په دې ناسته کې مشرتابه د يادو امنيتي ارګانونو وړانديزونه اورېدلي او هغوی ته یې د کاري استقامتونو او اجراتو په برخه کې لازمې لارښوونې کړې دي.
د معلوماتو له مخې همدا راز په دې ناسته کې د لا ښه نظم، تجهيز او ظرفيت لوړونې په موخه لازم تصميمونه هم نيول شوي دي.