د کابل پوهنتون پخواني استاد فيض الله جلال د مقاومت او نور مخالفو جبهو له لوري د اتريش په ويانا ښار کې شوې غونډې ته په اشارې ويلي، چې دا غونډې او ګډونوال یې د خلکو په درد نه خوري او دوی خلکو ډېر ښه پېژندلي، چې په خپل وخت کې څه ګلانو ته اوبه ورکړي چې اوس به په ويانا کې کوم ګل ته اوبه ورکړي.؟
د نوموړي په وينا، د ويانا د غونډې ګډونوال د دې پرځای چې غونډې وکړي بايد د افغانستان له خلکو د خپلو تېروتنو او کړو خيانتونو بښنه وغواړي او شرم دې وکړي.
جلال دغه راز زياته کړې، چې د دې ډول غونډو ګډونوال د خلکو له منځه راجګ شوي کسان نه؛ بلکې د اشرف غني او کرزي د پرځېدليو جمهوريتونو استخباراتي کارمندان، نظاميان او ګټې خوړونکي دي چې خپلې ګټې یې له لاسه ورکړي دي.