د پوځي چارو مشهور اردني کارپوه «محمد المغاربة» په يوه تحليل کې ویلي، چې د حماس غورځنګ مشرانو په ډېر تکتيک سره د دوی پرضد د اسرائيلو پرونی برید ناکام کړی.
هغه ويلي، د حماس د يو شمېر مشرانو پر ضد د اسرائیلو د ترور دا هڅه د موبايلونو د څار پر اساس شوې وه، چې ناکامي یې د حماس بريا او د اسرائيلي رژيم ستره استخباراتي تېروتنه بلل کېږي.
نوموړي «اخبار الأردن» انلاین ورځپاڼې ته په خپلو څرګندونو کې ويلي، چې د حماس غورځنګ مشرانو د ناستې تر پیل مخکې خپل ټول موبایلونه په يوې جلا ودانۍ کې پريښي وو او د همدې امنیتي تدبیر له امله د هغوی اصلي ځای افشا نه شو، اسرائیلي الوتکو هغه ودانۍ په نښه کړه، چې موبایلونه پکې ایښودل شوي وو او په دې توګه یې عملیات ناکام شول.
المغاربة څرګنده کړې، چې دا پېښه د اسرائیلو پر وړاندې د حماس غورځنګ د «دماغو د جګړې» د شدت ښکارندویي کوي.
هغه ويلي، اسرائیل هڅه کوي له پرمختللې ټکنالوژۍڅخه د تعقیب لپاره ګټه واخلي، خو حماس غورځنګ د برښنایي نښو د پټولو په څېر تکتیکونه کارولو سره د اسرائیل ټکنالوژي له ماتې سره مخ کړه.
نوموړي همدا راز له بريد څخه د حماس غورځنګ د مشرانو ژوندي وتل په استخباراتي جګړه کې د اسرائیلو کلکه ماتې او ناکامي بللې ده.
۱ څرگندون
ډېر ښا الحمدالله