د کانونو او پټرولیم وزارت په یوه خبرپاڼه کې ویلي چې، د دغه وزارت سرپرست ملا هدایت الله بدري له ازبکستاني پلاوي سره کتلي دي. نوموړي په خبرو کې ټينګار کړی چې، هڅه کوي کورني او بهرني پانګوال په کانونو کې پانګونې ته وهڅوي.
د خبرپاڼې له مخې، ازبکستاني پلاوي چې مشري یې د دغه هېواد د جیولوجي او معدن وزارت سلاکار، بهزاد مرمودوف کوله، د طوطي میدان د ګازو پروسې او د میدان وردګ د خویش وسپنې کان په اړه خبرې وکړې او له کانونو وزارته یې د همکاریو غوښتنه وکړه.
د کانونو او پټرولیم وزارت سرپرست ملا هدایت الله بدري د دوی د لېوالتیا هرکلی کړی او د لازمو همکاریو ډاډ یې ورکړی دی.