د کندهار د امر بالمعروف او نهی عن المنکر رياست وايي څلور تنه مسکلي کوډ ګر یې وروسته له هغې نيولي چې ځايي خلکو د يادو کوډګرو په اړه ورته شکايت کړی وو، ياد رياست زياتوي چې نيول شويو کوډګرو د کورنيو تر منځ د اختلافاتو او نورو شومو کارونو لپاره کوډې او جادو کولې.
د کندهار د امر بالمعروف او نهی عن المنکر رياست رييس مفتي کريم الله فقير وايي چې کوډې او جادو په اسلام کې ناروا دي او هیچاته به اجازه ورنه کړي چې د اسلام خلاف عمل ترسره کړي.
د ښاغلي فقير په خبره ډېر شمېر کوډګر له دين ناخبره په نشه يي توکو روږدي کسان وي، چې له شرکي تعويذونو او توکو په ګټې اخيستنې خلک تېرباسي.
