د امربالمعروف، نهی عن المنکر او شکایتونو اورېدلو وزارت وایي، د روزګان ولایت د محتسبینو په هڅو یوه مېرمن د خپل خاوند له څلور کلن کورني بند او نیمروز ولایت کې درې مېرمنې له کورني تاوتریخوالي او فزیکي زورونې څخه ژغورل شوي دي.
ورته مهال محتسبینو ډاډ ورکړی چې «د اسلامي اصولو» په رڼا کې د خویندو د حقونو خوندیتوب ته ژمن دي او چاته به اجازه ورنه کړي، څو په ناحقه د وګړو حقونه تر پښو لاندې کړي.
د یاد وزارت د معلوماتو له مخې، یاد کسان تر لومړنیو څېړنو وروسته د شرعي پرېکړې په موخه اړوندو ارګانونو ته سپارل شوي دي.