عبراني رسنیو راپور ورکړی، چې شاوخوا ۴۰ زره اسرائیلیانو تل ابیب او یو شمېر نورو ښارونو کې د لومړي وزیر نتنیاهو پرېکړو پر ضد لاريونونه کړي، دوی د “شاباک” مشر رونین بار د لیرې کولو او د غزې پر ضد د جګړې بیا پیلولو مخالفت کړی دی.
همداراز لاريون کوونکو نتنیاهو تورن کړی، چې د خپلې سیاسي بقاء لپاره یې جګړه روانه ساتلې او د بندیانو ازادۍ لپاره یې هیڅ نه دي کړي.
د یادونې وړ ده، چې د لاريون کوونکو په منځ کې د اسرائیل امنیتي ادارو پخواني چارواکي (د پولیسو پخوانی مشر روني الشیخ او د موساد پخوانی مشر تامیر باردو) هم شامل وو.